1. Voltooi die vorm aanlyn OF Laai die aansoekvorm van die Yonder Hartsfees webwerf yonderhartsfees.co.za af, of stuur 'n epos aan mail.yonder@gmail.com en versoek 'n vorm, of skakel 053 110 0260 vir hulp, of kom haal 'n vorm by ons kantoor (Yonder, Kenilworth Landgoed, Kimberley).
2. LEES die hele vorm aandagtig deur. Bevestig dat u die terme en voorwaardes verstaan deur die veld te voltooi OF Parafeer op elke bladsy dat u die reëls en regulasies verstaan. 
3. Voltooi die HELE vorm sorgvuldig. Maak asb. seker dat u epos adres en kontak besonderhede duidelik is. Moenie gapings laat nie.
4. Betaal die VOLLEDIGE bedrag verbonde aan u spasie met die indiening van die aansoek by: Yonder Hartsfees NPC, Absa Bank, Rekening nr: 4100 619 294, Tak kode: 632 005.
5. Stuur die BEWYS VAN BETALING na mail.yonder@gmail.com. Indien u die vorm uitgedruk en ingevul het, heg die vorm saam aan die epos.
6. Heg FOTO'S van u produkte en stalletjie, sowel as 'n afskrif van die stalletjiehouer en stalletjiehulp se ID-dokument, of paspoort, aan die vorm.
7. Stuur u voltooide vorm na mail.yonder@gmail.com of lewer af by Yonder, Sentraallaan, Kenilworth, Kimberley, 8301.
8. Geen fakse sal aanvaar word nie!.
9. Indien u geen terugvoer ontvang nie, skakel 053 110 0260 om te bevestig dat u aansoek wel ontvang is. Geen onvolledige aansoeke sal aanvaar word nie.

Die Besigheids Expo aansoeke open 28 Februarie 2023 en sluit Dinsdag, 28 Junie 2023.

Beskrywing:

• Tent spasie Tent beligting en een kragpunt (1 x 15amp) ingesluit.
• Tent hoek spasie Tent beligting en een kragpunt (1 x 15amp) ingesluit.

Neem kennis. LET DAAROP DAT U SLEGS 1X15 AMP KRAGPUNT KRY. Indien u meer krag benodig, kan u addisionele 15 amp kragpunte aanvra teen ‘n koste van R500.00 per kragpunt. Daar is nie 3 fase krag beskikbaar nie. Indien u enige navrae oor krag het, kan u die kantoor skakel en ons sal dit individueel hanteer.

Die feeskomitee sal hulle beste doen om redelike versoeke te akkommodeer, maar daar is geenWAARBORG NIE!

BESIGHEIDSURE:
Die Besigheids-expo is oop vir besigheid vanaf 09h00 – 20h00. Uitstallers met die nodige voertuig permitte en wat klaar geregistreer is, sal sal Woensdag, 30 Augustus 2023, van 09:00 tot 17:00 op die
terrein toegelaat word om hulle stalletjie voor te berei. Gedurende die fees open die hekke vir stalletjiehouers om 07H30 in die oggende en alle voertuie moet om 08h30 uit die feesterrein verwyder wees. Let daarop dat geen stalletjiehouer op die terrein toegelaat sal word, indien hulle nie geregistreer en in besit van die relevante toegang permitte is nie. In die aand sal voertuie toegang hê vanaf 20h00 – 21h00. Alle uitstallers moet tot Sondag, 3 September 2023 om 13h00, handeldryf. Geen voertuie sal die Sondag voor 13h00 toegang verkry nie.

TOEGANGSPERMITTE:
U ontvang 2 STALLETJIE-EIENAAR TOEGANG PERMITTE. Dit verleen toegang aan 2 persone per dag. Indien u bykomende permitte benodig, kan stalletjie hulp permitte teen R200-00 per persoon vir die
vier dae gekoop word. Maksimum van 2 word toegelaat.

ALKOHOL & SIGARETTE:
GEEN verkope van tabak, tabak- of alkoholprodukte sal in die stalletjies toegelaat word nie.

Dranklisensie. Goedgekeurde stalletjies wat likeur en wynprodukte bemark en verkoop moet oor 'n geldige dranklisensie beskik, 'n afskrif met registrasie indien en dit by die stalletjie vertoon. Dit is die stalletjiehouer se eie verantwoordelikheid om 'n geldige dranklisensie te bekom.

KRAGPUNTE:
Elke stalletjie kry EEN 15AMP KRAGPUNT en slegs een elektriese apparaat per kragpunt word toegelaat. Stalletjiehouers moet hul eie verlengkoorde voorsien. Geen verlengkoorde mag enige veiligheidsrisiko bied nie. Daar is GEEN 3 FASE KRAG beskikbaar nie. Stalletjiehouers wat oortree deur krag te steel, sal verwyder word van die terrein sonder enige terugbetaling. Diegene wat elektriese onderbrekings veroorsaak sal aanspreeklik gehou word vir die skade.

AKKOMMODASIE:
Stalletjiehouers is verantwoordelik daarvoor om hul eie akkommodasie vooraf te reël. GEEN STALLETJIEHOUERS WORD TOEGELAAT OM OP DIE FEESTERREIN TE SLAAP NIE. Oortreders en hulle stalletjies sal verwyder word sonder terugbetaling. In die Yonder kampterrein, by die feesterrein, is ‘n beperkte aantal 5mx7m kampeer plekke beskikbaar wat teen ‘n bedrag van R75.00 per persoon per dag gehuur kan word. ‘n Waterpunt en ‘n kragpunt, van waar water gekry en krag getrek kan word, is op die kampterrein beskikbaar. Basiese stort en toilet geriewe is naby die kampeerterrein beskikbaar.
Kampeer plekke kan by Aletha Schoeman by Yonder, 053 841 0537, gedurende kantoorure bespreek word.

KANSELLASIES:
Indien u na 8 Julie 2023 kanselleer, sal daar ‘n 10% + BTW van u stalletjie inskrywing geld as kansellasiefooi teruggehou word. Indien u egter na 28 Julie 2023 sou kanselleer, verbeur u u stalletjie inskrywing geld. GEEN TERUGBETALINGS SAL GEDOEN WORD NIE. Kansellasies moet skriftelik aan die Bestuurder van Markte gerig word. E-pos mail.yonder@gmail.com.

SEKURITEIT:
Die feesbestuur doen alles moontlik om te verseker dat die feesterrein gedurende die tydperk van die fees veilig is, maar aanvaar geen verantwoordelikheid vir verliese nie. Likru Sekuriteit (053 832 1675) is die alleen-sekuriteitdiensverskaffer van die fees en is op eie koste vir individuele of groep- sekuriteitsdienste beskikbaar.

STALLETJIE STRUKTURE:
Die struktuur van die uitstalling se konstruksie moet veilig, stewig en wind bestand wees.

VOORWAARDES & VRYWARING:

• Die fees kan nie aanspreeklik gehou word vir enige verliese, skade of beserings gely nie.
• Geen onderverhuring word toegelaat nie.
• Geen uitstallers mag op die terrein oornag nie behalwe in die amptelike Yonder kampeerterrein.
• Reg van toegang word voorbehou. Die feesbestuur behou die reg voor om uitstallers te skors indien hulle nie die reëls nakom nie, of hulself aan wangedrag skuldig maak.
• Die feesbestuur aanvaar geen verantwoordelikheid vir die handhawing van konsessie regte tussen uitstallers nie. Geen kompeterende logo’s, met betrekking tot die fees se amptelike
  borge, asook geen vals handelsmerke sal toegelaat word nie.
• Bemarkingsmateriaal (sambrele, pamflette, baniere) met ongemagtigde logo’s of ongemagtigde verkope sal gekonfiskeer word.
• U moet u uitstalling vir die volle duur van die fees bedryf – geen uitsondering nie.
• Toegang vir voertuie is nie oral moontlik nie. Neem asseblief kennis hiervan indien u produkte swaar is. U moet in besit van ‘n voertuig toegang permit wees om toegang tot die feesterrein
  te verkry. en mag slegs die ingang, soos aangedui op die permit, gebruik.
• Uitstallers is self verantwoordelik vir die oprig van uitstallings. Die fees voorsien slegs die spasie.
• Diegene wat die toegekende spasie oorskry, sal beboet word.
• Klagtes en knelpunte kan direk met die Bestuurder van Markte opgeneem word.
• Geen troeteldiere, alkohol of tabakprodukte word by uitstallings toegelaat nie.
• SLEGS VOLLEDIGE AANSOEKE MET FOTO’S, BEWYS VAN BETALING EN ID DOKUMENTE SAL
  OORWEEG WORD. AANSOEKE WORD HANTEER SOOS DIT ONTVANG WORD.
• SLEGS PRODUKTE OP DIE AANVAARDING BRIEF GOEDGEKEUR, SAL TOEGELAAT WORD.
• Uitstallers se voertuie mag slegs in die uitstallers parkeergebied geparkeer word. Die feesterrein is ‘n geen voertuig gebied. Geen voertuie mag binne die feesterrein tussen 08:45 en 22:00 geparkeer word nie.
• Verdere reëlings sal aan u deurgegee word op u aanvaarding brief indien u gekeur word.
• Vir algemene navrae, nie uitstalling verwant, kan u 053 110 0260 skakel.

Ek,

die eienaar vir die bogenoemde besigheid, aanvaar al die voorwaardes in hierdie dokument. Ek het myself deeglik vergewis van alle inligting soos in hierdie dokument vervat en onderneem om myself te alle tye daarby te hou.

Geteken op: