Die Yonder Hartsfees, wat gedurende 2 tot 5 Desember 2020 aangebied sou word, is uitgestel as gevolg van die Covid 19 pandemie. Die Yonder Hartsfees bestuur het, soos al die ander feeste, ‘n moeilike besluit geneem as gevolg van die Covid 19 pandemie. Daar is besluit dat die aanbied van die Yonder Hartsfees nie hierdie jaar gaan plaasvind nie en dat dit geskeduleer word vir 2 tot 5 Desember 2021. ‘n Groter en meer feestelike fees word beplan. Die veiligheid van personeel en feesgangers is in ag geneem met die neem van die besluit.
Die 2de Yonder Hartsfees vind vanaf 2 tot 5 Desember, op die gronde van Yonder, by die Malu Park terrein plaas. Die ingang na die terrein is vanuit Hendrik van der Bijlstreet, Kimdustria, Kimberley, plaas.
Almal is reeds hard aan die werk om die fees volgende jaar groter, beter en meer feestelik te maak. Daar is baie geleer uit die 1ste Yonder Hartsfees en die volgende verbeteringe op die feesterrein word reeds gedoen:
- Meer grasperke word aangelê.
- Parkeerterrein word verbeter met ‘n harde ry oppervlak.
- Die stof in die pretpark word aangespreek.
- Verandering word aan die uitleg van die terrein gedoen.
- Bome word aangeplant en fasiliteite verbeter.
Bespreek die datum betyds